အမေရိကန်ရောက် ကရင်လူငယ် ၃ဦး အစိုးရ၏ပညာတော်သင်ဆုရရှိ

မေလ ၂၉ရက်၊ ၂၀၁၂ခုနှစ်။ (ကေအိုင်စီ)
အမေရိကန်နိုင်ငံ၊ နယူးယော့ခ်ပြည်နယ် ဘတ်ဖလိုမြို့တွင် နေထိုင်သည့် ကရင်လူငယ် ၃ဦး အမေရိကန်အစိုးရမှ ပေးအပ်ချီးမြှင့်သည့် ၂၀၁၂ခုနှစ်အတွက် ပညာတော်သင်ဆု(Scholastic Achievement Recognition)ကို လက်ခံရရှိခဲ့သည်။ အမေရိကန်ရောက် ကရင်လူငယ် ၃ဦး အစိုးရ၏ပညာတော်သင်ဆုရရှိယခုနှစ်အတွက် ပညာတော်သင်ဆု(စကောလားရှစ်ပ်)ကို ဘတ်ဖလိုမြို့ရှိ ကျောင်းသူကျောင်းသား ၂၄၆ဦးအား ရွေးချယ်ပေးအပ်ခဲ့သည့် အထဲတွင် အထက်တန်းကျောင်းကို ထူးချွန်စွာ အောင်မြင်ခဲ့သည့် နော်အယ်စေးထူး ၂၀နှစ်၊ စောဝင်းကိုဟန် ၁၈နှစ်နှင့် နော်မိုရင်းဒါသွယ် ၂၁နှစ်တို့လည်း ပါဝင်ခဲ့ခြင်းဖြစ်သည်။
Lafayette High School အထက်တန်းကျောင်းတွင် ဘာသာစုံ၌ အမှတ်အများဆုံး ရရှိခဲ့သူ နော်မိုရင်းဒါသွယ်က “မျှော်လင့်မထားဘဲ အခုလို ပညာသင်ဆုရတော့ ၀မ်းသာတယ်။ သူများနိုင်ငံသားတွေကြားမှာမို့ ဂုဏ်လည်းယူတယ်။ တချိန်မှာ ကိုယ်တတ်ထားတဲ့ ပညာနဲ့ ကိုယ့်တိုင်းပြည်အတွက် ပြန်လုပ်ကိုင်ပေးမယ်လို့ စိတ်ကူးရှိပါတယ်”ဟု ပြောသည်။
သူမအနေဖြင့် Business and Accounting ဘာသာရပ်ဖြင့် Houghton College ကျောင်းတွင် ပညာဆက်လက်သင်ကြားရန် ရည်ရွယ် ထားသည်ဟုလည်း ကေအိုင်စီသို့ ပြောသည်။

အဆိုပါ ကရင်လူငယ်သုံးဦးသည် ထိုင်း-မြန်မာနယ်စပ်ရှိ မယ်လနှင့် အုန်းဖျန်ဒုက္ခသည်စခန်းများမှ တတိယနိုင်ငံ အစီအစဉ်ဖြင့် ၂၀၀၈ခု နှစ်က အမေရိကန်နိုင်ငံသို့ ရောက်ရှိလာကြသူများ ဖြစ်သည်။
ကျောင်းစာအပြင် အားကစားပါ ထူးချွန်သူ စောဝင်းကိုဟန်က “ကျနော်အခုလို ပညာသင်ဆုရတာ ၀မ်းသာတယ်။ မြန်မာပြည်မှာ စာမကြိုး စားခဲ့ပေမဲ့ ယူအက်စ်ရောက်တော့ မကြိုးစားရင် အနှိမ်ခံရတယ်။ အပြိုင်အဆိုင်တွေလည်း ရှိလာတော့ ကြိုးစားရင်း အခုလို အစိုးရက ထောက်ပံ့ဆုကို ရရှိတာပါပဲ။ ကျနော်က Fashion designer and business ကို အဓိကထားပြီး Billamariar college မှာ ဆက်တက် သွားမှာပါ”ဟု ကေအိုင်စီသို့ ပြောသည်။
Errie Community College-ECC တက်ရန် ရည်ရွယ်ထားသည့် နော်အဲ့စေးထူးက “ကျမရဲ့ ကြိုးစားအားထုတ်မှုနဲ့ ဆရာဆရာမတွေ စကားကို နားထောင်တဲ့အပေါ် ဒီပညာသင်ဆုကို ရတာပါ။ Business လိုင်းကို ကျမ ဆက်တက်မယ်။ အခု ဘတ်ဖလိုကိုရောက်နေတဲ့ ကရင်လူမှုအသိုင်းအ၀ိုင်းအတွက် စီးပွားရေးလုပ်ငန်းထူထောင်ချင်လို့ပါ”ဟု ပြောဆိုသည်။
ဘတ်ဖလိုမြို့ Buffalo Niagara Marriott in Amherst တွင် ယခုနှစ်အတွက် ပေးအပ်သည့် ၃၂ကြိမ်မြောက် အဆိုပါပညာသင်ဆုတံဆိပ် နှင့်အတူ ကောလိပ်ကျောင်းဆက်တက်ရန် လေးနှစ်စာ ပညာသင်စရိတ် ဒေါ်လာ ၈သောင်းကို အမေရိကန်အစိုးရမှ ဆုရရှိသူ ကျောင်းသူ ကျောင်းသားများအား မေလ ၁၇ရက်နေ့က ပေးအပ်ချီးမြှင့်ခဲ့ပြီး ဖြစ်သည်။
မြန်မာနိုင်ငံသား ၆၀၀၀ကျော်ရှိသည့် အမေရိကန်နိုင်ငံ၊ ဘတ်ဖလိုမြို့တွင် ယခုနှစ်အတွက် ၎င်းကရင်လူငယ် ၃ဦးအပြင် ချင်းလူငယ်တစ် ဦး စုစုပေါင်း မြန်မာလူငယ် ၄ဦး ပညာတော်သင်ဆု လက်ခံရရှိခဲ့ခြင်းဖြစ်သည်။
 

ပြည်တော်ပြန်ရောဂါဖြစ်စေတဲ့ "ဗိုင်းရပ်စ်"

 အခုမကြာသေးခင်ကာလက စပြီး ပြည်ပ အတိုက်အခံတွေကြားမှာ ဗိုင်းရပ်စ် ပိုးတမျိုး ပြန့်နှံ့ ကူးစက်နေပါတယ်။ ဒီအတွက် ကုသရာဆေးလည်း မတွေ့သေးဘူးလို့ ထင်ပါတယ်။

တစ်နှစ်ကျော်ကာလ အတွင်းမှာ ကူးစက်နေတာ သတိမထားမိခဲ့ပေမယ့် အခုတလောကျမှ ပိုသတိထားမိ လာတယ်။ ဒီ ဗိုင်းရပ်စ် ကတော့ ပြည်တော်ပြန် ရောဂါ ဖြစ်စေတဲ့ ပိုးတမျိုးပါ။

နိုင်ငံရေး ၀မ်းစာနည်းသူ၊ ပုံဖျက်ခံထားရတဲ့ သတင်းအချက်အလက်တွေ၊ မီးကျိုးမောင်းပျက် အတွေးအခေါ်တွေ နဲ့ ပြည်ပလှုပ်ရှားမှုတွေအပေါ် နိုင်ငံတကာ အလှူရှင်တွေရဲ့ စိတ်ဝင်စားမှုနည်းလာလို့ အထောက်အပံ့တွေ ပါးလာတော့ ရပ်တည်ရေးခက်လာတာတွေဟာ ဒီ ဗိုင်းရပ်စ် ပိုးကူးစက်လွယ်ဖို့ အကြောင်းဖန်လာတာပါဘဲ။

တိုင်းပြည်တွင်းမှာ ပြုပြင်ပြောင်းလဲရေးတွေဖြစ်နေပြီ။ ဒေါ်အောင်ဆန်းစုကြည်လည်း လွှတ်တော်ထဲရောက်နေပြီ
၊ ကိုမင်းကိုနိုင်နဲ့ ၈၈ ကျောင်းသားတွေလည်း ထောင်တွေက ပြန်လွတ်လာပြီး အခုဆို နယ်တွေပါ ခရီးထွက်လို့ ရနေပြီ စသဖြင့် ဒါတွေကို အစစ်အမှန်ပြောင်းလဲမှုလို့ ယူဆပြောဆိုနေကြပြီး ရောဂါကူးစက်ခံနေကြရတာပါ။

ပြည်တော်မပြန်ရင်ပဲ ခေတ်မမီသလို။ တချို့ကလည်း ငါလည်း အမီ ပြည်တော်ပြန်မှဘဲတဲ့။ အနည်းဆုံးတော့ အလည်ဖြစ်ဖြစ်သွားကြတာပေါ့တဲ့။ ကဲ မှတ်ကရော။

ကာယကံရှင် နိုင်ငံရေး ဦးဆောင်နေကြသူတွေဖြစ်တဲ့ ဒေါ်အောင်ဆန်းစုကြည်အပါအ၀င် ကိုမင်းကိုနိုင်အစရှိတဲ့ သူတွေကိုယ်တိုင်က အလွန်ကြီးမားတဲ့ စွန့်လွှတ်စွန့်စားမှုတွေကို လုပ်နေရတာဆိုတာကို မမြင်နိုင်ကြဘဲဖြစ်နေ တာ ပြည်ပ အတိုက်အခံတချို့နဲ့ တချို့သော နိုင်ငံတကာ မိသားစု အသိုင်းအ၀န်းပဲဖြစ်ပါတယ်။

ရပ်နို်င်ပေ ရပ်နိုင်ပေ အော်ရင်း ညာသံပေးလို့ ငါတို့လည်း ဒီအပြောင်းအလဲအတွက် ပြည့်အင်အား ပြည်တွင်းမှာ ရှိဆိုသလို အမြန်ဆုံး ပြည်တော်ပြန်ဝင်ပြီး တနေရာတော့ ခုံဦးထားအုံးမှ ဆိုတဲ့အတွေးတွေက ပြည်တော်ပြန် ယာဉ်၊ ရထားတွေက တဆင့် ပြန်အံထွက်လာနေပါတယ်။

အခုတော့ တဖွဲဖွဲနဲ့ လူသိရှင်ကြားရော၊ လူမသိ၊ သူမသိနဲ့ပါ ပြည်တော်ပြန်နေလိုက်ကြတာ တိုင်းပြည် အတွက် ပြန်လည် ထူထောင်ရေးမှာ ဘယ်ထောင့်၊ ဘယ်နေရာကနေ ဘယ်လိုတာဝန်ကျေကျေလုပ်မယ်ဆိုတဲ့ စိတ်ကူးစိတ်သန်းတွေနဲ့ ပြန်ကြတာ အလွန်အနည်းစုဖြစ်ပါလိမ့်မယ်။

ဒီလိုပြန်ကြတဲ့ ပြည်ပရောက်၊ နယ်စပ်ရောက်သူတွေဆိုတာကလည်း ဒီမိုကရေစီလိုလားလို့ မိမိတို့ရဲ့ ဘ၀တွေကို အတိုင်းအတာ တခုထိ ပေးဆပ်ခဲ့ကြရ၊ ပေးဆပ်နေကြရသူတွေလည်းဖြစ်ပါတယ်။

ဒါပေမယ့် ဒီမိုကရေစီ လိုလားကြပါတယ်ဆိုတဲ့ အတိုက်အခံဆိုသူတွေဟာ ကိုယ်ခံအားကျဆင်းဖို့အတွက် အဓိက အကြောင်းကြီးတရပ်ကို ရင်ဆိုင်ခဲ့ကြရတယ်။

ဒါက တဦးချင်းစီ၊ တယောက်ချင်းစီရဲ့ စွန့်လွှတ်အနစ်နာခံမှုအပါအ၀င် သူတို့တွေမှာ ရှိနေတဲ့ တန်ဘိုးတွေကို တဦးနဲ့ တဦး အသိအမှတ်မပြုတဲ့ ပြဿနာပါဘဲ။

ဒီကောင်က ဘာမို့လို့လဲ၊ ဒီကောင်က ဘာစွမ်းဆောင်ခဲ့လို့လဲ၊ ငါကမှ ဘယ်လို ဘယ်ဝါ ပေးဆပ်ခဲ့ရတာ၊ ဒီလိုကောင်မျိုးနဲ့တော့ တွဲမလုပ်နိုင်ပါဘူးဗျာ အစရှိတဲ့ တန်ဘိုးတွေကို အသိအမှတ် မပြုပဲ ကိုယ့်အချင်းချင်း နင်းချ ကြရင်း ယဉ်ကျေးတဲ့ လူ့အဖွဲ့အစည်းအဖြစ် လေသံကောင်းလွှင့်နေကြတာ အဓိက အကြောင်းတရားပါဘဲ။

အာဏာရှင် မျက်နှာဖုံး ခွာချပြထားတဲ့ သူတွေရဲ့ စနစ်တကျ ပြင်ဆင်ထား တဲ့ နိုင်ငံရေး ကစားကွက်ထဲမှာ အတိုက်အခံဆိုသူတွေဟာ အခုထိ အဆင်သင့်မဖြစ်ကြသေးဘဲ အချင်းချင်း ရန်ဖြစ်ကောင်းနေသေးတယ်။

အခုတော့ ပိုဆိုးတာက အထက်က ပြောတဲ့ ပြည်တော်ပြန် ဗိုင်းရပ်စ်ပိုး တွေ ကူးစက်ပျံ့နှံ့ လာပြီး မြန်မာ့ လူ့အဖွဲ့အစည်းရဲ့ ဒီမိုကရေစီနဲ့ လူ့အခွင့်အရေးတိုက်ပွဲအတွက် ပိုပြီး ရှုပ်ထွေးမှုတွေဖြစ်လာတော့မှာ မြင်ယောင်နေမိပါတယ်။

အတိုက်အခံအများစုဟာ အခုထိ အတိုက်အခံ စိတ်ပဲ ရှိနေသေးပြီး အာဏာရ ပါတီ၊ အဖွဲ့အစည်းတခုရဲ့ စဉ်းစားတွေးခေါ်မှုတွေကို မပိုင်ဆိုင်သေးတာလည်း သတိထားမိပါတယ်။

မြန်မာ့လူ့အဖွဲ့အစည်းရဲ့ ယဉ်ကျေးမှု မြင့်မားချင်းဆိုင်ရာ အတွေးအခေါ်၊ အလေ့အကျင့် အလွန်နုနယ်နေသေးပြီး ငါနဲ့ မတူ ငါ့ရန်သူလို့ ထင်မှတ်မှားနေကြဆဲဖြစ်နေတာနဲ့ ကိုယ်အချင်းချင်း နင်းရတာကိုပဲ ဂုဏ်ယူတတ်ကြ တာဟာ အလွန်စိတ်မကောင်းစရာဖြစ်ရပ်တွေပါ။

ပြဿနာ တခုကို ချဉ်းကပ်ရင် လူမိုက်တွေလိုပဲ မင်းကြောင့် ၊ သူ့ကြောင့်ဆိုတာနဲ့ အပြစ်ကို တဖက်သားကို ပုံချပြီး ဖြေရှင်းဖို့ ကြိုးစားကြတယ်။ ဒါက အာဏာရှင်တွေ တသက်လုံး လုပ်တဲ့ ပုံစံနဲ့ အတိုက်အခံတွေလုပ်တဲ့ ပုံစံ တူနေတာပါဘဲ။

တချို့ လိမ္မာတဲ့ အတိုက်အခံတွေကလည်း ပြဿနာ တခုကို ချဉ်းကပ်တာက ငါ့ကြောင့်သာဖြစ်တယ်ဆိုပြီး ကိုယ့်ကိုယ် ကိုယ် အပြစ်တင်ပြီး ချဉ်းကပ်ဖြေရှင်းဖို့ ကြိုးစားကြတယ်။ ဒါကတော့ အာဏာရှင်တွေထဲက ပြုပြင်ပြောင်းလဲရေး လိုလားသူတချို့ လုပ်ခဲ့တဲ့ ပုံစံမျိုးဖြစ်နေတာပါ။

တကယ့် ပကတိတရားအတိုင်း အရှိကို အရှိအတိုင်း သိမြင်ပြီး သူတပါးကိုရော၊ မိမိကိုယ်တိုင်အပေါ်မှာပါ အပြစ်တင် ပုံချမှု မရှိတဲ့ ချဉ်းကပ်အဖြေရှာတာကတော့ အလွန်တွေ့ရခဲပါတယ်။ ဒါကိုတော့ အတိုက်အခံ ဘက်ကရော၊ အာဏာရှင်တွေဘက်ဆိုတဲ့ ၂ ဖက် လုံးမှာ ဒီလို အလေ့အကျင့် မရှိသလောက်ဖြစ်တာဟာ အားနည်းချက်ပါဘဲ။

ဒါတွေ ဒါတွေကြောင့် ဗိုင်းရပ်စ် ပိုးကူးစက်ခံရပြီး ပြည်တော်ပြန်ရောဂါတွေ စွဲကပ်လာကြတာပါ။ဒါကို သတိရှိစေချင်လို့ ဒီစာစုကို ရေးသားတင်ပြလိုက်ပါတယ်။

By - Guiding Stars
 

B.C.N. Statement on Current CFOB Crisis

Peaceful Demonstration for Peace in Burma ( Rakhine )

Burmese Canadian Protest in Toronto

Text

NLD by Elections Manifesto p1